Təbii kauçukdan hazırlanmış təbiət dostu və performansınızı ən yaxşı şəkildə göstərə biləcəyiniz mat axtarışındasınızsa, Jade yoga matlarını seçə bilərsiniz. Jade brendinin Fusion adlı matı daha qalındır və istənilən zəmin forması üçün uyğundur. Mat yoga, pilates, təməl fitness və crossfit məşqləri üçün idealdır. Bu matla istənilən yerdə və istədiyiniz yerdə rahatlıqla məşq edə bilərsiniz. Daşların üstündə belə məşq etsəniz matın yumşaqlığı və qalınlığı bu sərtliyi hiss etməyinizə maneə olacaq. Yaralanma riskiniz kifayət qədər azdır. Sürüşməz səthə malikdir. Amerika brendi olan matların istehsalında təbiətə heç bir ziyan verilmir. Əksinə hər bir matın satışından əldə edilən gəlirlə bir ağac əkilir. Hazırda bu gəlirlə əkilmiş ağacların sayı 1 milyondur və hər gün bu rəqəm artmağa davam edir. Fərqli rəngli matlar əslində fərqli xəstəliklərə diqqət çəkmək üçün istehsal edilir. Məsələn şirkət hər payız çəhrayı rəngli matlar istehsal edir və gəliri süd vəzi xərçənginin araşdırması, müalicəsi və bu barədə maarifləndirmə məqsədi üçün istifadə edir. Narıncı rəngli matlar autizmə, dəniz mavisi matlar isə yumurtalıq xərçənginə diqqət çəkmək üçündür. Şirkət yoganın təməlində dayanan tolerantlıq və humanistliyə tam şəkildə əməl etməyə və işlərində bunu təlqin etməyə çalışır. Siz də Jade yoga matlarını seçməklə yoganın təməl prinsiplərini izləyə və bu prinsipləri davam etdirməyə dəstək ola bilərsiniz.
