Bu masa 2012-ci ildə keçirilən Rus piramida bilyard oyunu üzrə Dünya çempionatının rəsmi masası idi. Çərçivələrinin sərt quruluşu onu uzun müddət və problemsiz istifadə üçün yararlı edir. Masa ayaqları və çərçivələrin altlıqları gümüşü rənglərlə bəzədilib. Masa təmiz göyrüş ağacından hazırlanmışdır. "Bronx Premium"un oyun sahəsinə çəkilən parça ən keyfiyyətli parçalardan olan Iwan Simonis 760-dır. Bilyard stolunun çəkisi 990 kiloqramdır və minimum 30 m²-lik otaq üçün nəzərdə tutulub. Bu isə o deməkdir ki, masanı almazdan əvvəl ölçülərini və çəkisini mütləq nəzərə almaq lazımdır. Çünki bu yaraşıqlı masa evinizin xüsusi bir guşəsini özü üçün ayırmaq istəyəcək. Masa 5 piltədən ibarətdir. Bu da onun rahatlıqla sökülüb, istənilən yerdə quraşdırılmasını asanlaşdırır.