Məhsul İtaliya brendidir. Bodybuilding məşqlərini istər evdə, istərsə də idman zalında rahatlıqla edə bilməyiniz üçün dizayn və istehsal olunmuşdur. Fayda və üstünlükləri: Multi Hip, bütün bud əzələlərini - ön, arxa və daxili və xarici budları əhatə edə bilən çox yönlü bir cihazdır. Avadanlıq əsasən bud, omba, 4 başlı əzələlər, baldır, aşağı qarın və bel əzələlərini işlədib inkişaf etdirir. Trenajorda ayaq üstə məşq edilir. Avadanlığı boyunuza uyğun nizamlamağınız mümkündür. Məşqin əsas ünsürü olan silindir formalı yastıqca çəki sistemi ilə bağlıdır. Neçə kiloqramlıq çəki ilə məşq edəcəyinizi seçirsiniz. Silindirin və avadanlığın hündürlüyünü şəxsi imkanlarınıza uyğun nizamlayıb məşq etməyə başlayırsınız. Avadanlığa bağlı çəki miqdarı 95 kiloqramdır. Amma bu çəki miqdarını 20 kiloqram daha artırıb 115 etmək mümkündür. Bu isə tamamilə sizin şəxsi keyfiyyətlərinizdən asılıdır. Bu tip avadanlıqlar əsasən idman zalı üçün nəzərdə tutulub, lakin evinizdə özünəməxsus idman zalı yaratmaq istəyirsinizsə, rahatlıqla almağınız mümkündür.