Məhsul İtaliya brendidir. Bodybuilding məşqlərini istər evdə, istərsə də idman zalında rahatlıqla edə bilməyiniz üçün dizayn və istehsal olunmuşdur. Fayda və üstünlükləri: Pectoral trenajoru sinə əzələləri üçün sadə və effektli məşq təmin edir. Avadanlıq rahat oturacaqdan, tutacaq və çəkilərin olduğu dayaqdan ibarətdir. Tutacaqlar çəkilərə birləşdirilib. Trenajora daxil olan çəki miqdarı 100 kiloqramdır, lakin 15 kiloqram da əlavə edərək bu rəqəmi 115-ə çıxarmaq mümkündür. Məşqə başlamaq üçün kresloya əyləşirsiniz. Oturduğunuz yerdən çəki miqdarını rahatlıqla idarə edə bilərsiniz. Məşqdəki peşəkarlıq səviyyənizə uyğun olaraq çəki miqdarını müəyyənləşdirə bilərsiniz. Çəki sistemi necə işləyir? Çəki daşları olan yerdə xüsusi çubuq mövcuddur. Həmin çubuğu məşqdən əvvəl məşq etmək istədiyiniz çəki miqdarının üzərinə gətirib bərkidirsiniz. Bu qədər sadə. Kreslonu öz hündürlüyünüzə uyğun tənzimləyə bilərsiniz. Məşq üçün hər şey hazırdısa tutacaqlardan tutub, qollarınızı tutacaqlardakı yastıqlara yerləşdirirsiniz. Bu daha az ağrılı məşq təmin edir. Daha sonra qollarınızı 180 dərəcəlik bucaq şəklində açıb, ilkin vəziyyətə qayıdırsınız. Bu tip avadanlıqlar əsasən idman zalı üçün nəzərdə tutulub, lakin evinizdə özünəməxsus idman zalı yaratmaq istəyirsinizsə, rahatlıqla almağınız mümkündür.