Bodyjam nədir?
08-01-2021 497

Bodyjam nədir?

Rəqs etməyi sevirsiniz? Sıxıcı idmanlarla məşq etməkdənsə, əylənərək etmək istəyirsinizmi? Elədirsə, BodyJam əla seçim ola bilər. Bəhs etdiyimiz şeyin tam olaraq nə olduğunu anlamadınız? Biz də sizə fitness dünyasının ən müasir trendlərindən biri olan BodyJam haqqında danışacağıq. 

 

Ağırlıq məşqi etməyi sevməyə bilərsiniz, ya da təkrar məşq rejimlərdən bezmiş ola bilərsiniz. Bəlkə də beyninizi boşaltmaq üçün ən az 1 saatlıq məşğul ola biləcəyiniz bir şey axtarışındasınız? 

 

Bədəninizə forma vermək və məşq edərkən musiqiyə qulaq asmaq da istəyə bilərsiniz. Bunlardan biri sizin arzularınızdırsa, hazırda trend olan BodyJam dərslərini mütləq sınayın. 

 

BodyJam musiqinin ritmi ilə edilən kardio proqramıdır. Bəli, fərqli musiqi növləri ilə (hip hop, funky, texno, küçə rəqsi, drum “n” bass, trap kimi) rəqs etməkdən zövq alaraq tərləyəcək və kalori yandıracaqsınız. 

 

BodyJam hər kəs üçün açıqdır. Yaşınız, ya da rəqs edib edə bilməməyinizin fərqi yoxdur. Hər kəs öz tempində məşq edə bilər, addımları və xoreoqrafiyanı zamanla öyrənə bilərsiniz. Heç kim sizə yavaş olduğunuzu, daha sürətli rəqs etməli olduğunuzu deyə bilməz. 

 

Rəqs edərək və əylənərək məşq etmək fikri xoşunuza gəldisə, BodyJam dərsləri haqqında daha çox şey öyrənmək istəyə bilərsiniz. Bütün dərslər oxşar formalara sahibdirlər, yəni müəyyən qaydaya uyğun edilir. Dəyişən tək şey mahnılar və xoreoqrafiyadır. Hər dərs aşağıdakı bölgüyə uyğun davam edir. 

 

İsinmə

Bu addım bədəninizi məşqə hazırlamaq üçün olmazsa olmazdır. Buna görə də isinmə hərəkətləri də sadə və yumşaqdır. Yaralanmalar və ya dərs sonrası yarana biləcək ağrılardan yayına bilmək üçün idmana başlamaq vacibdir. 

 

Xoreoqrafiya

İsindikdən sonra əsl məşqə hazırsınızsa, xoreoqrafiya və rəqs hərəkətləri başlayır. Fərqli musiqi ritmlərinə uyğun hazırlanmış addımlar və rəqslərin daxil olduğu xoreoqrafiyalar edilir. Məşqçi sizə təlimatlar verir və iştirakçılar da onlara göstərilən hərəkətləri təkrar edir. 

 

Müəyyən edilmiş məşqlər

Bəzi dərslərdə BodyJam məşqçisinin təlimatlarına uyğun olaraq xüsusi bölgələrə fokuslanan bəzi xüsusi məşq hərəkətləri, məsələn qarın bölgəsi üçün məşqlər daxil edilir. Həmçinin, kürək və ya çiyin əzələlərini gücləndirmək üçün də məşqlər olur. Bunlar əsasən dərsin sonlarına doğru edilir.

 

Soyuma

Bu addım da isinmə qədər də vacibdir. Çünki bədənin rahatlamasına kömək edir. Soyumada əzələlərdəki gərginlik azalır və ola biləcək ağrılar, yaxud yaralanma hallarının qarşısı alına bilir. 

BodyJam haqqında bu qədər. Daha əvvəl heç məşq etməmisinizsə, BodyJam sizə məşq motivasiyası təlqin edə bilər. Bu yolda sizə uğurlar!

Endirim və kampaniyalardan xəbərdar olmaq üçün abunə olun.

Agentlər onlayndır
Chat agent
Chat agent
Salam, sizə necə kömək edə bilərik?