Goblet squat nədir?
Ayaqlar bədənimizin ən vacib hissələrindən biridir. Buna görə də, intizamlı və səbirli şəkildə qaydalı məşq edərək ayaq əzələlərinizi inkişaf etdirməlisiniz. Ən yaxşı nəticələr əldə etmək üçün goblet squat-ı məşq rejiminizə daxil etməlisiniz. Bu məşqi heç vaxt eşitməmisiniz? Elə isə bu yazı tam sizlikdir.
Goblet squat nədir?
Squat məşqinin bir çox növü vardır. Bu məşq əsasən bədənin ayaq hissəsini işlədir, lakin seçdiyiniz squat növünə uyğun olaraq fərqli əzələ qruplarını işlədə bilərsiniz. Goblet squat standart squat məşqinə çox oxşasa da, çox vacib fərqə sahibdir: ağırlıq. Ağırlıqla squat etmək üçün kettlebell, yaxud qantel istifadə edə bilərsiniz və bu ağırlığı ayaq bölgənizdən yuxarıda tutmalısınız.
Bu squat növü həm gövdənizin orta qismini gücləndirdiyi üçün, həm də yaxşı bir isinmə hərəkəti olduğu üçün ən çox tövsiyə edilən squat növləri arasındadır. Təbii ki, əldə edəcəyiniz nəticələr, istifadə etdiyiniz ağırlığa və məşq rejiminizə görə dəyişiklik göstərəcək.
Hansı əzələləri işlədir?
Goblet squat bədənin alt qisminə fokuslanan bir məşqdir və əsasən ayaqları işlədir. Bununla bərabər, bu məşqi edərkən başqa əzələləriniz də işləyir. Bunlardan bəziləri omba əzələləri, quadriseps femoris, adductor, diz arxası olan hamstring-dir.
Həmçinin bu məşqi daha qarışıq hala gətirməyi təmin edən qantel, yaxud kettlebell kimi ağırlıqlar istifadə edəndə bədəninizin üst hissəsinə aid bəzi əzələləri də işlətmiş olursunuz. Belə halda qol əzələləri də izometrik məşq etmiş olur. Bu məşqdə əzələlər bir istiqamətə hərəkət etmədən xarici gücə qarşı dayanıqlılıq göstərərək işləmiş olur.
Delta əzələləri ağırlıq istifadəsinə görə, gərilir və dayanıqlılıq göstərərək güclənir.
Biceps brachii; bu əzələ qolun bükülməsini təmin edir və üst bədəndəki ən böyük əzələlərdən biridir. Goblet squat əsnasında bu əzələ izometrik gücə məruz qalır və beləliklə, işləmiş olur.
Goblet squat məşqində işləyən digər əzələlər
Yuxarıda qeyd etdiyimiz əzələlər, bu cür squat məşqlərinin işlətdiyi təməl əzələlərdir. Bununla bərabər, bu məşqlə işləyən başqa vacib əzələ qrupları da mövcuddur. Bunlar; gövdə, qarın, bel və kürəkdəki əzələlərdir. Həmçinin, yenə daha əvvəl qeyd etdiyimiz kimi omba əzələləri, arxa alt ayaq iç əzələsi və ayaq əzələləri də bu məşqdən faydalanan əzələlər sırasında yer alır.
Niyə goblet squat etməlisiniz?
Bu məşq sayəsində bir çox əzələ işlədə bildiyiniz üçün bunu davamlı olaraq etməyiniz bədəniniz üçün çox faydalı olacaqdır. Bundan əlavə, goblet squat duruşunuzu düzəltməyə kömək edir. Qantellərlə işləmək kürəyinizi düz tutmağa məcbur edir və beləliklə, squat hərəkətini düzgün etmiş olursunuz. Beləliklə squat texnikanızı inkişaf etdirə bilər və fərqli squat növlərini sınaya bilərsiniz.
