Mükəmməl qarın əzələləri üçün CRUNCH
Hər kəs press etməyi sevmir, ancaq əksər insan mükəmməl qarın əzələlərinə sahib olmaq istəyir. Buna görə də idmançılar həmişə crunch kimi daha effektli məşqlər axtarır.
Crunch
Böyük ehtimalla bu məşq haqqında məlumat sahibisiniz. Qarın əzələlərinizi işlədən bir qrup məşqdir və bu məşqi evdə, yaxud idman zalında edə bilərsiniz.
Crunch məşqi qarın əzələlərinizi gücləndirməyin ən yaxşı yollarından biridir. Bu məşq haqqında bilməli olduğunuz bəzi “sirlər” olsa da, bu məşqi tətbiq edərək digər qarın məşqlərindən daha tez gözlə görünən nəticələr əldə edəcəksiniz.
Qarnınızı tonlamaq və crunch məşqi edərək daha yaxşı nəticələr əldə etmək istəyirsinizsə, bədəninizin yüzdə 6 bədən yağ həddindən aşağıda olması vacibdir. Bu həddin üstündəsinizsə, bədəninizdəki yağı, xüsusilə də qarnınızda yığılan yağları əritməyə çalışmalısınız.
Hədəfiniz nə olursa, olsun hər məşq seansında daha çox və ya daha az crunch məşqi edə bilərsiniz. İdman zalına gedəndə və ya evdə məşq etdikdə hər dəfə 15 təkrarlıq 3 set etməyiniz tövsiyə edilir. Bu məşqi seansın sonunda etməyiniz məsləhətdir.
Sadə crunch etmək üçün kürəyi üstə uzanın və ayaqlarınızı bükün. Ayaqlarınızı yerə qoyun və ardınca omba genişliyində açın. Əllərinizi boynunuzun arxasına qoyun və dirsəklərinizi açın.
Ardından qarın əzələlərinizlə güc verərək kürəyinizi matdan qaldırın. Çiyin bıçaqlarınız “açığa çıxana” qədər gövdənizi qaldırın. Bu formada bir neçə saniyə qalın və yavaşca aşağı enin.
Təməl crunch texnikasını öyrəndikdən sonra hərəkətin çətinliyini artırmaq üçün dəyişikliklər etməlisiniz. Niyə? Çünki bunu etməsəniz bədəniniz sərf etdiyi gücə öyrəşəcək və irəliləyiş əldə edə bilməyəcəksiniz. Bu gözlədiyiniz nəticələri əldə etməyəcəyiniz mənasını verir.
Buna görə də bunu etməyin ən yaxşı yolu ümumi məşq rejimini, xüsusilə də ab rejimini dəyişdirməkdir. Crunch-ın bir çox növü var: short crunch, crunch ball, pike crunch, çarpaz crunch.
Crunch olduqca sadə məşqdir. Bu məşqin ən yaxşı tərəfi bütün həyatınızı idman zalında keçirmədən qarın əzələlərinizi formalaşdırmağa kömək etməsidir. Bu məşqi tətbiq edin və inanılmaz faydalarını özünüz sınayın.
