Tennis oynamaq üçün 6 səbəb
Dünyadakı bir çox insan tennis oynamağı sevir. Bunu rəqabət səviyyəsinə qaldıra bilər, yaxud boş vaxtlarınızda dostlarınız və ailənizlə birlikdə əylənə bilərsiniz. Tennis, zehniniz və bədəniniz üçün faydalar təmin edir.
Tennis oynamağın faydaları nələrdir?
Əzələlər
Digər idmanlardan fərqli olaraq tennis mükəmməl əzələ inkişaf etdirmə məşqidir. Ürək-damar sistemi və əzələləri mükəmməl vəziyyətdə saxlayır.
Buna əlavə olaraq bu idman, budlar, ayaqlar, çiyinlər, qollar və qarın əzələləri kimi fərqli əzələ qruplarında əzələ formalaşdırır. Ayaqlar, qollar və bədənin üst qismi üçün yoğun məşqləri də birləşdirdiyindən bəhs etmirik belə.
Tennis zehni bir məşq təmin edir
Digər qarşılıqlı idmanlarda olduğu kimi, tennis oyunçulara zehni bir məşq təmin edir. Rəqiblər ilə qarşılaşmaq üçün oyunçuların çətin vəziyyətlər qarşısında duyğularını idarə etməsi tələb olunur. Buna görə də, tennis oyunçuları ümumilikdə duyğuları üzərində nəzarət sahibi olmaqdan zövq alır və bu da oyunlarını inkişaf etdirməyə kömək edir.
Bu idman eyni zamanda daha güclü bir intizam duyğusunun yaranmasına kömək edir; bu da səbir, zaman və həsr edilmə mövzusunda ustalaşmaq üçün vacibdir.
Tennisin ən yaxşı faydalarından biri: arıqlamaq
Bu tam bədən məşqi olduğu üçün, davamlı qaçarkən meydançada çox kalori yandıra bilərsiniz. Toplar yerə yalnız bir dəfə toxuna bilər, bu da oyunçuların çox gec olmadan topa vurmaq üçün qaçmalı olduğu mənasına gəlir. Və bu da təminatlı çəki itirmək mənasını verir.
Bu sıxlıq həmçinin, ürəyi test edərək dayanıqlılığı və ürək-damar sağlamlığını yaxşılaşdırmağa kömək edir.
Konsentrasiyanı yaxşılaşdırır
Oyunçuların meydançada hərəkət etmək, topa vurmaq və topu almaq üçün yüksək səviyyədə konsentrasiyaya ehtiyacları var. Konsentrasiya əslində mükəmməl tennis oyunçularını digərlərindən ayıran ən vacib ünsürdür.
Dayanıqlılıq
Meydançada oynamaq oksigen qəbulunu artırır, ürək ritmini sürətləndirir və qanın bütün əzələlərə oksigen və qida maddələri daşımasına kömək edir. Sürətli hərəkətlər ürək ritmini artırır və enerji səviyyələrini yüksəldir.
Koordinasiyanı inkişaf etdirir
Tennis əl-göz koordinasiyasını inkişaf etdirmək üçün ən yaxşı idmanlardan biridir. Bədəniniz oynayanda, beyniniz hər bir hərəkətə sabtlənir, yeni vəziyyətləri və istiqamətləri analiz edər.
Nə qədər çox oynasanız, motor qabiliyyətləriniz toplara vurmaqla bərabər, hərəkətlərinizin məsafəsini və koordinasiyasını ölçmək baxımından da o qədər yaxşı olacaq.
Nəticə etibarı ilə tennisin inanılmaz miqdarda faydaları var. Ciddi yaralanmalardan qaçmaq üçün düzgün önləyici tədbirlər gördüyünüz müddətdə hər yaşda tennis oynaya bilərsiniz.
