Məhsul İtaliya brendidir. Qaçış evdə də rahatlıqla reallaşdıra bilməyiniz üçün dizayn və istehsal olunmuşdur. Qaçış qurğusu fərqli forma və templərdə qaça bilməyiniz üçün proqramlaşdırılıb. Fasiləsiz işlədə bilməyiniz mümkündür.
Fayda və üstünlükləri:
Qaçış qurğuları evdə rahatlıqla kardio məşqi etməyiniz üçün unikal seçimdir. Qarışıq avadanlıqlar yerinə qaçış qurğularının rahat idarə panelinin köməkliyi ilə məşqləriniz daha da asanlaşır. Belə qurğulardan biri də Treadmill PHI LED FX3 CPT300-C-dir. 3,5 at gücündə mühərriki sizə saatda 18 kilometr sürətlə qaçmaq imkanı yaradır. Qaçış qurğusunda fərqli forma və templərdə qaçmağınıza xidmət edən 12 proqram quraşdırılıb. Hər proqramda qaçacağınız müddət, məsafə və yandıracağınız kalori miqdarı əvvəldən hesablanıb. Bundan əlavə, avadanlıq 3 istifadəçisini tanıya bilir. Yəni məşqə başlamazdan əvvəl qeydiyyatdan keçirsiniz. Bu da sizə imkan yaradır ki, şəxsi məşq proqramınızı formalaşdıra biləsiniz. Qaçış çətinliyinizi artırmaq üçün avadanlıqda "Incline" seçimi mövcuddur. "Incline" nədir? Qaçış qurğusunda bu seçimi etdikdə, qaçış lentinin başlanğıcı nisbətən yüksəlməyə başlayır. Bu da bir növ yoxuş qalxırmışsınız kimi effekt yaradır. Ürək ritminiz sürətlənir, daha tez-tez nəfəs alırsınız və daha çox kalori yandırmış olursunuz. Treadmill PHI LED FX3 CPT300-C qaçış qurğusunun "Incline" səviyyəsi 18 %-dir. Bu seçimdən daha çox faydalanmaq üçün “Incline” faizini mərhələli şəkildə artırmağınız tövsiyə olunur. Avadanlığın götürə biləcəyi maksimum çəki 150 kiloqramdır. Evdə istifadə üçün nəzərdə tutulub. Avadanlığın ekranından nəbzinizi, qaçdığınız məsafəni, yandırdığınız kalori miqdarını rahatlıqla izləyə bilərsiniz. Nəbzinizi ölçmək üçün idarə panelinin yanlarında olan metal sensorlardan tutmağınız kifayətdir. Həmçinin, qaçış sürətinizi və "Incline" səviyyənizi rahatlıqla idarə edə bilməyiniz üçün idarə panelinin yanlarında düymələr yerləşdirilib. Qaçış qurğusunun internet və MP3 çıxışı mövcuddur. Su qabınızı qoya bilməyiniz üçün yeri də var. Qaçış qurğusunda təhlükəsizlik açarı mövcuddur. Qaçış zamanı yarana biləcək hər hansı hadisə zamanı açarı çıxarmaqla avadanlığı söndürə bilərsiniz. Qaçış qurğusu qatlana bilir və avadanlığın böyüklüyü sizi narahat edirsə, hər məşqinizdən sonra rahatlıqla yığışdırmağınız mümkündür.