Məhsul İtaliya brendidir. Velosiped məşqlərini həm evdə, həm də idman zalında rahatlıqla reallaşdıra bilməyiniz üçün dizayn və istehsal olunmuşdur.
Fayda və üstünlükləri:
Upright Bike professional məşqləriniz üçün nəzərdə tutulmuş məşq avadanlıqlarındandır. Velotrenajorun tənzimlənə bilən oturacağını boy və rahatlığınıza uyğun məşqdən əvvəl nizamlaya bilərsiniz. Avadanlığın sensor idarə etmə paneli məşq prosesinizi daha rahat izləməyə və yönləndirməyə kömək edir. Beləliklə, sadəcə ekrana toxunmaqla istədiyiniz məşq proqramını seçə, sürətinizi, məşq çətinliyinizi rahatlıqla artırıb-azalda, yaxud məşqinizə asan bir şəkildə son verə bilərsiniz. Ekrandan siz məşq müddətinizi, məsafənizi, sürətinizi, yandırdığınız kalori miqdarını, nəbzinizi, avadanlığın həmin anda nə qədər enerji ilə işlədiyini izləməyiniz mümkündür. Trenajorun tutacaqlarında nəbz ölçən metallar mövcuddur. Beləliklə, məşq əsnasında daim nəbzinizə nəzarət edə bilərsiniz. Trenajorun internetə çıxışı var. Bu da sizə məşq müddətində rahatlıqla musiqi dinləmək, film izləmək imkanı yaradır. Avadanlığın su və aksesuarlarınızı qoya bilməyiniz üçün yerləri mövcuddur. Trenajorda fərqli çətinlik və sürətlərdən ibarət 12 proqram və fərqli müqavimətlərdən ibarət 32 səviyyə quraşdırılıb. Avadanlıq əsasən idman zalında istifadə üçün nəzərdə tutulsa da, onu rahatlıqla ev üçün də ala bilərsiniz. Sadəcə avadanlığı almazdan əvvəl ölçülərini və evinizdə tuta biləcəyi maksimum ərazi miqdarını nəzərə alın.